ಈತನೆ ಕಾಣಿರೊ ಮಧ್ವಮುನಿ vadirajaru

 

Restart mobile & try if the above audio is not playing

ಶ್ರೀ ವಾದಿರಾಜರ ಕೃತಿ 

ರಾಗ : ಕಾಪಿ  ಆದಿತಾಳ 

ಈತನೆ ಕಾಣಿರೊ ಮಧ್ವಮುನಿ ॥ ಪ ॥

ಪರಿಪರಿ ಶ್ರುತಿಗಳೆಂಬ ಗುಹೆಗಳಲ್ಲಿ ಕೇ- ।

ಸರಿಯಂತೆ ಚರಿಸುತ್ತ ॥

ಹರಿಯೇ ಸರ್ವೋತ್ತಮನೆಂಬ ಘೋಷಗಳಿಂದ ।

ದುರುಳ ವಾದಿಗಳೆಂಬ ನರಿಗಳೋಡಿಸಿದಾತ ॥ 1 ॥

ಸಕಲಾಗಮಗಳೆಂಬ ಶರಧಿಯೊಳಗೆ ।

ಯುಕುತಿಯಿಂದಲಿ ಮಥಿಸಿ ॥

ಅಕಳಂಕ ಶ್ರೀಹರಿಯೆಂಬ ರತ್ನವ ಕಂಡು ।

ಮಕುಟದೊಳಿಟ್ಟು ಲೋಕದಿ ಮೆರೆಸಿದಾತ ॥ 2 ॥

ವೇದಸಾರವೆಂಬ ಈಶತತ್ತ್ವವಾದ ।

ಅಮೃತವನೆ ಕಲ್ಪಿಸಿ ॥

ಆದಿಮೂರುತಿ ಶ್ರೀಹಯವದನನ ದಿವ್ಯ - ।

ಪಾದಸೇವಕನಾದ ಮಧ್ವಮುನಿಯೆಂಬಾತ ॥ 3 ॥

***

Summary (Kannada)

ಈ ಕೀರ್ತನೆಯಲ್ಲಿ ವಾದಿರಾಜ ತೀರ್ಥರು ಮಧ್ವಾಚಾರ್ಯರ ದಿವ್ಯ ಮಹಿಮೆಯನ್ನು ಕೊಂಡಾಡಿದ್ದಾರೆ. ಮಧ್ವಾಚಾರ್ಯರು ವೇದಗಳೆಂಬ ಗುಹೆಯಲ್ಲಿ ಸಿಂಹದಂತೆ ಸಂಚರಿಸಿ, ಹರಿಯೇ ಸರ್ವೋತ್ತಮ ಎಂಬ ಸತ್ಯವನ್ನು ಸಾರಿ, ಅಜ್ಞಾನಿಗಳಾದ ವಾದಿಗಳನ್ನು ಸೋಲಿಸಿದ ಅಪ್ರತಿಮ ಜ್ಞಾನಿ ಎಂದು ದಾಸರು ವರ್ಣಿಸಿದ್ದಾರೆ.

Padyada Artha

ಪಲ್ಲವಿ:

ಈತನೆ ಕಾಣಿರೊ ಮಧ್ವಮುನಿ ||

ಅರ್ಥ: ಓ ಜನರೇ, ಇವರೇ ಜಗದ್ಗುರುಗಳಾದ ಮಧ್ವಾಚಾರ್ಯರು ಎಂಬುದನ್ನು ನೋಡಿರಿ.

ಚರಣ 1:

ಪರಿಪರಿ ಶ್ರುತಿಗಳೆಂಬ ಗುಹೆಗಳಲ್ಲಿ ಕೇ- ।

ಸರಿಯಂತೆ ಚರಿಸುತ್ತ ॥

ಹರಿಯೇ ಸರ್ವೋತ್ತಮನೆಂಬ ಘೋಷಗಳಿಂದ ।

ದುರುಳ ವಾದಿಗಳೆಂಬ ನರಿಗಳೋಡಿಸಿದಾತ || 1 ||

ಅರ್ಥ: ವಿವಿಧ ವೇದಗಳೆಂಬ ಗುಹೆಗಳಲ್ಲಿ ಸಿಂಹದಂತೆ ಸಂಚರಿಸಿ, "ಹರಿಯೇ ಸರ್ವೋತ್ತಮ" ಎಂದು ಸಾರಿ, ವಾದಿಗಳೆಂಬ ನರಿಗಳನ್ನು ಓಡಿಸಿದವರು ಇವರು.

ಚರಣ 2:

ಸಕಲಾಗಮಗಳೆಂಬ ಶರಧಿಯೊಳಗೆ ।

ಯುಕುತಿಯಿಂದಲಿ ಮಥಿಸಿ ॥

ಅಕಳಂಕ ಶ್ರೀಹರಿಯೆಂಬ ರತ್ನವ ಕಂಡು ।

ಮಕುಟದೊಳಿಟ್ಟು ಲೋಕದಿ ಮೆರೆಸಿದಾತ || 2 ||

ಅರ್ಥ: ಶಾಸ್ತ್ರಗಳೆಂಬ ಸಮುದ್ರವನ್ನು ಮಥಿಸಿ, ನಿರ್ಮಲವಾದ ಶ್ರೀಹರಿಯೆಂಬ ರತ್ನವನ್ನು ಪಡೆದು, ಅದನ್ನು ಲೋಕಕ್ಕೆ ಮಕುಟದಂತೆ ತೋರಿಸಿಕೊಟ್ಟವರು ಇವರು.

ಚರಣ 3:

ವೇದಸಾರವೆಂಬ ಈಶತತ್ತ್ವವಾದ ।

ಅಮೃತವನೆ ಕಲ್ಪಿಸಿ ॥

ಆದಿಮೂರುತಿ ಶ್ರೀಹಯವದನನ ದಿವ್ಯ - ।

ಪಾದಸೇವಕನಾದ ಮಧ್ವಮುನಿಯೆಂಬಾತ || 3 ||

ಅರ್ಥ: ವೇದಗಳ ಸಾರವಾದ ತತ್ತ್ವವೆಂಬ ಅಮೃತವನ್ನು ನಮಗೆ ನೀಡಿ, ಆದಿಮೂರ್ತಿ ಹಯವದನನ ಪಾದಗಳ ಸೇವಕರಾಗಿರುವವರೇ ಮಧ್ವಾಚಾರ್ಯರು.

***