ನಡಿರೆ ನಡಿರೆ ನೋಡುವ ಶ್ರೀಕೃಷ್ಣನ mahipati dasaru

 

Restart mobile & try if the above audio is not playing

Sri mahipatidasara kruti

Aberi raga

ನಡಿರೆ ನಡಿರೆ ನೋಡುವ ಶ್ರೀಕೃಷ್ಣನ

ನಡಿರೆ ನಡಿರೆ ನೋಡುವ ||ಧ್ರುವ||

ನಡಿರೆ ನೋಡುವ ಬನ್ನಿ ತುಡುಗ ಶ್ರೀಕೃಷ್ಣನ

ಅಡಿಗಳಾಶ್ರಯ ಹಿಡುವ ಮಂಡಲದೊಳು ||೧||

ತುಡುಗತನದಿ ಬಂದು ಕದಿದ ಬೆಣ್ಣೆಯ ಮೆದ್ದು

ಒಡನೆ ಗೋಪೇರ ಕಾಡಿದ ನೋಡಮ್ಮ ||೨||

ಬಿಡದೆ ಕಾಳಿಂಗನ ಹೆಡೆಯ ಮೆಟ್ಟಿದ ನೋಡಿ

ತಡೆಯದೆ ಧುಮುಕಿದ ಮಡುವಿನೊಳು ||೩||

ಕ್ರೀಡಿಸಿ ಗೋಪೇರ ಉಡುಗೆ ಸೆಳೆದುಕೊಂಡು

ಒಡನೆ ಗಿಡವನೇರಿದ ನೋಡಮ್ಮ ||೪||

ಮಾಡದ ಮಾಡಿ ತಾ ಬಿಡದೆ ಬೇಡಿಸಿಕೊಂಡು

ಒಡನೆ ಉಡುಗೆ ನೀಡಿದ ನೋಡಮ್ಮ ||೫||

ಬಡವರಿಗಳವಲ್ಲ ಪೊಡವಿಯೊಳಗಿದು

ಆಡಿದಾನಂದದಾಟ ನೋಡಮ್ಮ ||೬||

ಹಿಡಿಯಹೋಗಲು ಮೂಢ ಮಹಿಪತಿಯ ನೋಡಿ

ಒಡಲ ಹೊಕ್ಕು ಕೂಡಿದ ಒಡೆಯನಮ್ಮ ||೭||

***