ಹರಿ ಭಕುತಿಯ ಪೊಂದಿಸೆಲೋ ಕರುಣದಿ vidyaprasanna teertharu hari bhakutiya pondiselo karunadi

Restart mobile & try if the above audio is not playing

 ಶ್ರೀ ವಿದ್ಯಾಪ್ರಸನ್ನ ತೀರ್ಥರ ಕೃತಿ 

ರಾಗ : ಪಂತುವರಾಳಿ    ಆದಿತಾಳ 

ಹರಿ ಭಕುತಿಯ ಪೊಂದಿಸೆಲೋ 

ಕರುಣದಿ ಗಿರಿಜಾರಮಣ ಗಿರಿಜಾರಮಣ IIಪII

ನರಹರಿಯಲಿ ವರಭಕುತನೆಂದರಿಯರು 

ನಿನ್ನ ದುರುಳ ಜನರು IIಅ.ಪII

ಗಂಗೆಯ ಶಿರದಲಿ ಧರಿಸಿ 

ಭುಜಂಗನ ಕೊರಳಲ್ಲಿ ಪೊಂದಿದ

ಮಂಗಳ ವರ ಶೈಲಜೆಯ 

ಅಪಾಂಗರಸ ಅನಂಗವೈರಿ  II೧II

ಶ್ರೀಹರಿಯಾಜ್ಞೆಯನು ವಹಿಸಿ 

ಮೋಹ ಶಾಸ್ತ್ರಗಳನು ರಚಿಸಿ

ಈ ಮಹಿಯೊಳು ದುರುಳರನು 

ಮೋಹಿಸಿದ ಮಹಾದೇವ  II೨II

ಪನ್ನಗ ಭೂಷಣ ಶಂಕರ 

ಷಣ್ಮುಗಪಿತ ಚಂದ್ರಮೌಳಿ

ಸನ್ನುತಿಸುವೆ ನಿನ್ನ ಮನದಿ 

ಎನ್ನಲಿ ದಯದಿಂ ಪ್ರಸನ್ನ  II೩II

**