ಕಂದನೇಕೆ ಮಲಗನೆ ಕೇಳೆಲೆ ಸಖಿ purandara dasaru kandaneke malagane kelele

 

Restart mobile & try if the above audio is not playing

ಶ್ರೀ ಶ್ರೀಪುರಂದರದಾಸರ ಕೃತಿ

ರಾಗ : ದೇಶ್   ಆದಿತಾಳ

ಕಂದನೇಕೆ ಮಲಗನೆ ಕೇಳೆಲೆ ಸಖಿ ||ಪ||

ಕಾಯಜಜನಕಗೆ ಏನಾಯಿತು ಇವಗೆ

ಯಾವಳ ದೃಷ್ಟಿ ತಾಗಿತೆ ||ಅ||

ಕಂದನೇಕೆ ಕಣ್ಣ ಮುಚ್ಚನೆ ಇಂದು 

ನೀರದಡದಲ್ಲಿರುವನೆ , 

ಏನೆಂದರು ಮುಖವೆತ್ತಿ ನೋಡನೆ , 

ಗೋವಿಂದ ಬಾ ಎಂದರೆ ಬಾಯ ತೆರೆವನೆ ॥೧॥

ತನಯನಾಗಿ ಧರೆ ಅಳೆದನೆ , ತನ್ನ

ಜನನಿಯ ಕಂಡರೆ ಸೇರನೆ

ಮುನಿಗಳಂತೆ ಮೌನ ಪಿಡಿದನೆ

ಘನ ಗೋವು ಕಾಯ್ವಾಗ ಗಾಳಿ ಸೋಕಿತೇನೆ ॥೨॥

ಸುಮ್ಮನೇತಕೆ ವ್ರತ ಕೆಡಿಸಿದನೆ

ಹಮ್ಮಿನಿಂದಲಿ ಖಡ್ಗ ಪಿಡಿದನೆ

ಜನ್ಮಜನ್ಮಗಳಲ್ಲಿ ಬಿಡದಲಿರುವ ನೀಬಾರೊ

ಬೊಮ್ಮ ಶ್ರೀ ಪುರಂದರವಿಠಲ ॥೩॥

**