ಗೋವಿಂದ ಹರಿ ಗೋವಿಂದ kanaka dasaru govinda hari govinda

Restart mobile & try if the above audio is not playing

ಶ್ರೀ ಶ್ರೀಕನಕದಾಸರ ಕೃತಿ

ರಾಗ : ಬೃಂದಾವನಸಾರಂಗ    ಏಕತಾಳ

ಗೋವಿಂದ ಹರಿ ಗೋವಿಂದ ಕೇಶವ ಕೃಷ್ಣ ಜನಾರ್ದನ ॥ಪ॥

 ಮತ್ಸ್ಯಾವತಾರದೊಳ್‌ ಆಡಿದನೆ 

ಮಂದರಾಚಲ ಬೆನ್ನೊಳು ತಾಳಿದನೆ  

ಅಚ್ಚ ಸೂಕರನಾಗಿ ಬಾಳಿದನೆ  

ಮದ ಹೆಚ್ಚೆ ಹಿರಣ್ಯಕನ ಸೀಳಿದನೆ  ||೧||

 ಕುಂಬಿನಿ ದಾನವ ಬೇಡಿದನೆ  

ಕ್ಷಾತ್ರರೆಂಬುವರನು ಹತ ಮಾಡಿದನೆ  

ಅಂಬುದಿಗೆ ಶರ ಹೂಡಿದನೆ  

ಕಮಲಾಂಬಕ ಗೊಲ್ಲರೊಳಾಡಿದನೇ  || ೨ ||

 ವಸುದೇವನುದರದಿ ಪುಟ್ಟಿದನೆ  

ಪೊಲ್ಮೆಸೆವ ಧನುಜರೊಡಗುಟ್ಟಿದನೆ  

ಎಸವ ಕಾಳಿಂಗನ ಮೆಟ್ಟಿದನೆ  

ಭಾದಿಸುವರ ಯಮಪುರ ಕಟ್ಟಿದನೆ   || ೩ ||

 ಪೂತನಿಯ ಮೈಯ ಸೋಕಿದನೆ  ಮಹಾ

ಘಾತದ ಮೊಲೆಯುಂಡು ತೇಗಿದನೆ 

ಘಾತಕಿಯನತ್ತಾ ನೂಕಿದನೆ ಗೋಪ -

ವ್ರಾತ ಗೋಗಳನೆಲ್ಲಾ ಸಾಕಿದನೆ  ||೪||

 ಸಾಧಿಸಿ ತ್ರಿಪುರರ ಗೆಲಿದವನೇ  

ಲೇಚರ ಭೇದಿಸಿ ಹಯವೇರಿ ಮೆರೆದವನೇ  

ಸಾಧಿಸಿ ಸಕಲವ ತಿಳಿದವನೇ  

ಬಾಡದಾದಿಕೇಶವ ಭಕ್ತಿಗೊಲಿದವನೇ  || ೫ ||

**