ಆರೋಗಣೆಯ ಮಾಡು ಅಂಬುಜನಯನೇ harapanahalli bheemavva aroganeya madu ambujanayane

Restart mobile & try if the above audio is not playing

ಹರಪ್ಪನಹಳ್ಳಿ ಭೀಮವ್ವನವರ ಕೃತಿ

ಗೌರಿ ನೈವೇದ್ಯದ ಹಾಡು

ರಾಗ : ಶುದ್ಧಸಾವೇರಿ   ತಿಶ್ರನಡೆ

ಆರೋಗಣೆಯ ಮಾಡು ಅಂಬುಜನಯನೇ ಸಾಮವೇದಸದನೇ|

ಮಾರಜನನಿಯೇ ಮಧುಸೂದನಪ್ರಿಯೇ ಕಾಮಿತಫಲದಾಯೇ ಗೌರಿಯೇ||

ಶುಭ್ರಸ್ನಾನವ ಮಾಡಿ ಸುಮತಿಯರು ಮುದದಿಂದ 

ಶುಭ್ರವಸ್ತ್ರವನುಡಿಸಿ ಗೌರಿಗೆ

ತಿದ್ದಿ ತಿಲಕವನಿಟ್ಟು ತೀವ್ರದಿ ಗೌರಿಯ 

ವಜ್ರಮಾಣಿಕ್ಯ ಪೀಠದಲ್ಲಿ ಕುಳಿಸ್ವರೋ ||1||

ಹಪ್ಪಳ ಅತ್ತಿರಸ ಒಪ್ಪುಳ್ಳ ಲಡ್ಡಿಗೆ ಚಕ್ಕುಲಿ ಕರ್ಚಿಯಕಾಯ್ಗಳು

ಸಕ್ಕರೆ ಫೇಣಿ ಕೆನೆಮೊಸರು 

ಮಧು ಕ್ಷೀರ ಮೀಸಲಾದ ಅಡಿಗೆ 

ಸುವಾಸಿನಿಯರು ಬಡಿಸುವರು||2||

ಅತಿಹಿತದಿಂದಲಿ ಮಾಡಿದ ಅಡಿಗೆಯ 

ದಳಿಯ ತಪ್ಪದೆ ಬಡಿಸುವರು

ಪುಡಿಎಣ್ಣೋರಿಗೆ ಶೀಕಿಯದ ಉಂಡೆಗಳು

 ಆದಿಕೊಲ್ಹಾಪುರದ ದೇವಿ ಮಹಾಲಕ್ಷ್ಮೀಗೆ||3||

ಮೀಸಲು ಮಂಡಿಗೆ ಸೂಸಲ ಕಡುಬು 

ದೋಸೆ ಎಣ್ಣೋರಿಗೆ ನವನೀತ

ಕಾಸಿದ ತುಪ್ಪ ಕೆನೆಮೊಸರು ಮಧು ಕ್ಷೀರ 

ಭೀಮೇಶಕೃಷ್ಣನ ರಾಣಿ ಭುಂಜಿಸು ಬೇಗ||4||

**