ಕೊಟ್ಟ ಬಿಡಾರದಲಿ ಎಷ್ಟು ದಿನ ಜೀವಿಸಲೊ gurugopala dasaru kotta bidaradali eshtu dina

Restart mobile & try if the above audio is not playing

ಶ್ರೀ ಶ್ರೀಗುರುಗೋಪಾಲದಾಸರ ಕೃತಿ

ರಾಗ : ಮುಖಾರಿ    ಆದಿತಾಳ

ಕೊಟ್ಟ ಬಿಡಾರದಲಿ ಎಷ್ಟು ದಿನ ಜೀವಿಸಲೊ | 

ಕಷ್ಟ ಪಡಲಾರೆ ಹರಿಯೆ || ಪ | 

ಕೋಟಲೆಯ ಸಂಸಾರ ಸಾಗರದಿ ಸಿಲುಕಿ ನಾ | 

ಪಾಟು ಬಡಲಾರೆ ಹರಿಯೆ ॥ ಅ ಪ ॥

ಕಟ್ಟುಗಳು ಸಡಲಿದವು ಬಳೆಮೊಳೆ ಕದಲಿದವು | 

ದಟ್ಟ ಕಂಭಗಳು ಕುಸಿದವು ।

ಕಟ್ಟು ಪಡಸಾಲೆಗಳು ಬಟ್ಟ ಬಯಲಾದವು | 

ಕಟ್ಟಿ ಹೊದ್ದಿಸಲಾರೆನೊ ಸ್ವಾಮಿ ॥ ೧ ॥

ಆರೆರಡು ಹಾರಿದವು ಹಾರಿ ಹೋಯಿತು ಹೊದಿಕೆ | 

ಜಾರಿ ಬಿದ್ದವು ಗಳುಗಳು |

ಆರು ಮೂರೆಂಬ ತಲೆಬಾಗಿಲೆಲ್ಲವು ಕುಸಿದು । 

ಸೋರುತಿದೆ ನಾಲ್ಕು ಕಡಿಗೆ ಸ್ವಾಮಿ || ೨ ||

ಗೇಣೇಳು ನಿಚ್ಚಣಿಕೆ ಬಾಣದ ನೆಲೆ ಸೂತ್ರ |

ಕ್ಷೋಣಿಯಲಿ ಓಡ್ಯಾಡುತ

ಪ್ರಾಣ ನಾಯಕ ಗುರುಗೋಪಾಲ ವಿಠಲ ।

ಆನಂದನಿಲಯವಾಸಾ ಶ್ರೀಶಾ ॥ ೩ ॥

**