ರಾಮ ಕೃಷ್ಣ ವಾಸುದೇವ ಗೋಪಿಕೃಷ್ಣ ಉಡುಪಿ ಕೃಷ್ಣ MANGALA HADU ramakrishna vasudeva gopikrishna udupikrishna

 Restart mobile & try if the above audio is not playing

MANGALA HADU 

ರಾಮ ಕೃಷ್ಣ ವಾಸುದೇವ  ಗೋಪಿಕೃಷ್ಣ ಉಡುಪಿ ಕೃಷ್ಣ ।

ದೇವಕೀ ಸಹಿತ  ಕೃಷ್ಣನ ಹಸೆಗೆ ಕರೆಯುವ।।

 ರುಕ್ಮಿಣೀ ಸಹಿತ ಕೃಷ್ಣನ ಹಸೆಗೆ ಕರೆಯುವ।।ಪ।।

ಬಾಲಕೃಷ್ಣ ಮೂಡಿಬರಲಿ ಮಗಳೆ ನಿನ್ನ ಉದರದಲ್ಲಿ ।

ಸ್ವಾಮಿ ಹನುಮನಾಶೀರ್ವಾದ ಜೊತೆಗೆ ದೊರೆಯಲಿ ।।೧।।

ಜೀವಕೊಂದು ದೇಹವನ್ನು ದೇಹಕೊಂದು ರಕ್ಷೆಯನ್ನು 

ಅಕ್ಷರಾದಿ ರೂಪ ದೇವ  ಸಾಕ್ಷಾತ್ಕರಿಸಲಿ।।೨।।

ಸತ್ವವಿರುವ ತತ್ವವನ್ನು ತಾತ್ವಿಕ ಭಕ್ತಿಯನ್ನು ।

ತತ್ವಾಭಿಮಾನಿ ದೇವತೆಗಳು ನಿತ್ಯ ನೀಡಲಿ ।।೩।।

ವಂಶವೃಕ್ಷ ಗಟ್ಟಿಯಾಗಿ ವಂಶಾಭಿವೃದ್ಧಿ ಅಧಿಕವಾಗಿ ।

ಸಂಶಯವಿಲ್ಲದೆ ವಂಶವಾಹಿನಿ ಬೆಳೆದು ನಿಲ್ಲಲಿ ।।೪।।

ಮಂಗಳವಾಗಲಿನ್ನು ಮಂಗಳಗೌರಿ ನಿನಗೆ ।

ಸುಮಂಗಲೀ ಮಾನ್ಯರೆಲ್ಲ ಮುದದಿ ಹರಸಲಿ ।।೫।।

ರಾಮ ಕೃಷ್ಣ ವಾಸುದೇವ  ಗೋಪಿಕೃಷ್ಣ ಉಡುಪಿ ಕೃಷ್ಣ ।

ದೇವಕೀ ಸಹಿತ ಕೃಷ್ಣ  ಹಸೆಗೆ ಬಂದರು

ರುಕ್ಮಿಣೀ ಸಹಿತ ಕೃಷ್ಣ ಹಸೆಗೆ  ಬಂದರು ‌।।ಪ।।

***

Summary (Kannada)

ಈ ಮಂಗಳ ಹಾಡಿನಲ್ಲಿ ಪವಿತ್ರವಾದ ಹಸೆ (ಮದುವೆ ಹಾಗೂ ಶುಭ ಸಮಾರಂಭಗಳ ಮಂಟಪ) ಸಂಪ್ರದಾಯವನ್ನು ಎತ್ತಿಹಿಡಿಯಲಾಗಿದೆ. ಶ್ರೀ ರಾಮ, ಕೃಷ್ಣ, ವಾಸುದೇವ, ಗೋಪಿಕೃಷ್ಣ, ಉಡುಪಿ ಕೃಷ್ಣ, ದೇವಕೀ ಸಹಿತ ಹಾಗೂ ರುಕ್ಮಿಣೀ ಸಹಿತ ಶ್ರೀಕೃಷ್ಣರನ್ನು ಶ್ರದ್ಧೆಯಿಂದ ಶುಭ ಹಸೆಗೆ ಕರೆಯುತ್ತಾ ಹರಸುವಂತೆ ಕೋರಲಾಗಿದೆ. ಮುಖ್ಯಪ್ರಾಣ ದೇವರಾದ ಹನುಮಂತನ ಆಶೀರ್ವಾದದೊಂದಿಗೆ ಉತ್ತಮ ಸಂತಾನ ಭಾಗ್ಯ, ತತ್ತ್ವಾಭಿಮಾನಿ ದೇವತೆಗಳ ಅನುಗ್ರಹ, ವಂಶಾಭಿವೃದ್ಧಿ ಹಾಗೂ ಸಮಸ್ತ ಸುಮಂಗಲಿಯರ ಮುದದ ಹಾರೈಕೆಯೊಂದಿಗೆ ಮಂಗಳಗೌರಿಯ ಕೃಪೆ ಮತ್ತು ಶ್ರೀಕೃಷ್ಣನ ಶುಭಾಶೀರ್ವಾದ ಸಿಗಲೆಂದು ಮಂಗಲಕೋರಲಾಗಿದೆ.

Padyada Artha (Kannada Stanza and Meaning)

ಪಲ್ಲವಿ

ರಾಮ ಕೃಷ್ಣ ವಾಸುದೇವ  ಗೋಪಿಕೃಷ್ಣ ಉಡುಪಿ ಕೃಷ್ಣ ।

ದೇವಕೀ ಸಹಿತ  ಕೃಷ್ಣನ ಹಸೆಗೆ ಕರೆಯುವ।।

ರುಕ್ಮಿಣೀ ಸಹಿತ ಕೃಷ್ಣನ ಹಸೆಗೆ ಕರೆಯುವ।।ಪ।।

ಅರ್ಥ: ಶ್ರೀ ರಾಮ, ಕೃಷ್ಣ, ವಾಸುದೇವ, ಗೋಪಿಕೃಷ್ಣ ಹಾಗೂ ಉಡುಪಿ ಕೃಷ್ಣರನ್ನು, ಹಾಗೆಯೇ ದೇವಕೀ ಸಹಿತ ಮತ್ತು ರುಕ್ಮಿಣೀ ದೇವಿ ಸಮೇತನಾದ ಶ್ರೀಕೃಷ್ಣನನ್ನು ಮಂಗಳಕರವಾದ ಹಸೆಯ ಶೋಭನ ಪೀಠಕ್ಕೆ ಭಕ್ತಿಯಿಂದ ಕರೆಯುತ್ತಿದ್ದೇವೆ.

ಚರಣ ೧

ಬಾಲಕೃಷ್ಣ ಮೂಡಿಬರಲಿ ಮಗಳೆ ನಿನ್ನ ಉದರದಲ್ಲಿ ।

ಸ್ವಾಮಿ ಹನುಮನಾಶೀರ್ವಾದ ಜೊತೆಗೆ ದೊರೆಯಲಿ ।।೧।।

ಅರ್ಥ: ಎಲೈ ಮಗಳೇ, ನಿನ್ನ ಗರ್ಭದಲ್ಲಿ ಸಾಕ್ಷಾತ್ ಬಾಲಕೃಷ್ಣನೇ ಜನಿಸುವಂತಾಗಲಿ; ಅದರೊಂದಿಗೆ ಶ್ರೀ ಮುಖ್ಯಪ್ರಾಣ ದೇವರಾದ ಸ್ವಾಮಿ ಹನುಮಂತನ ಕೃಪಾಶೀರ್ವಾದವೂ ನಿನಗೆ ಲಭಿಸಲಿ.

ಚರಣ ೨

ಜೀವಕೊಂದು ದೇಹವನ್ನು ದೇಹಕೊಂದು ರಕ್ಷೆಯನ್ನು

ಅಕ್ಷರಾದಿ ರೂಪ ದೇವ  ಸಾಕ್ಷಾತ್ಕರಿಸಲಿ।।೨।।

ಅರ್ಥ: ಜೀವಾತ್ಮನಿಗೆ ತಕ್ಕಂತೆ ಯೋಗ್ಯವಾದ ದೇಹವನ್ನು, ಆ ದೇಹಕ್ಕೆ ದಿವ್ಯ ರಕ್ಷೆಯನ್ನು ಕರುಣಿಸುತ್ತಾ, ಅಕ್ಷರಾದಿ ರೂಪದಲ್ಲಿರುವ ಪರಮಾತ್ಮನು ತನ್ನ ಸಾಕ್ಷಾತ್ಕಾರವನ್ನು ಅನುಗ್ರಹಿಸಲಿ.

ಚರಣ ೩

ಸತ್ವವಿರುವ ತತ್ವವನ್ನು ತಾತ್ವಿಕ ಭಕ್ತಿಯನ್ನು ।

ತತ್ವಾಭಿಮಾನಿ ದೇವತೆಗಳು ನಿತ್ಯ ನೀಡಲಿ ।।೩।।

ಅರ್ಥ: ಸತ್ತ್ವಗುಣದಿಂದ ಕೂಡಿದ ತತ್ತ್ವಜ್ಞಾನವನ್ನೂ ಹಾಗೂ ನಿಷ್ಕಾಮವಾದ ತಾತ್ವಿಕ ಭಕ್ತಿಯನ್ನೂ ಶ್ರೀಹರಿಯ ಅಧೀನರಾದ ತತ್ತ್ವಾಭಿಮಾನಿ ದೇವತೆಗಳು ಅನುದಿನವೂ ಕರುಣಿಸಲಿ.

ಚರಣ ೪

ವಂಶವೃಕ್ಷ ಗಟ್ಟಿಯಾಗಿ ವಂಶಾಭಿವೃದ್ಧಿ ಅಧಿಕವಾಗಿ ।

ಸಂಶಯವಿಲ್ಲದೆ ವಂಶವಾಹಿನಿ ಬೆಳೆದು ನಿಲ್ಲಲಿ ।।೪।।

ಅರ್ಥ: ನಿಮ್ಮ ಕುಲದ ವಂಶವೃಕ್ಷವು ದೃಢವಾಗಿ ಬೇರೂರಿ, ಸನ್ಮಾರ್ಗದಲ್ಲಿ ವಂಶಾಭಿವೃದ್ಧಿಯಾಗಿ, ಯಾವುದೇ ಸಂಶಯವಿಲ್ಲದೆ ನಿರಂತರವಾಗಿ ವಂಶವಾಹಿನಿಯು ಬೆಳೆದು ನಿಲ್ಲಲಿ.

ಚರಣ ೫

ಮಂಗಳವಾಗಲಿನ್ನು ಮಂಗಳಗೌರಿ ನಿನಗೆ ।

ಸುಮಂಗಲೀ ಮಾನ್ಯರೆಲ್ಲ ಮುದದಿ ಹರಸಲಿ ।।೫।।

ಅರ್ಥ: ಶ್ರೀ ಮಂಗಳಗೌರಿ ದೇವಿಯು ನಿನಗೆ ನಿತ್ಯವೂ ಮಂಗಳವನ್ನು ಉಂಟುಮಾಡಲಿ; ಸಮಾಜದಲ್ಲಿ ಮಾನ್ಯರಾದ ಸಮಸ್ತ ಸುಮಂಗಲಿ ಸ್ತ್ರೀಯರು ನಿನ್ನನ್ನು ಆನಂದದಿಂದ ಹಾರೈಸಲಿ.

ಪಲ್ಲವಿ (ಮುಕ್ತಾಯ)

ರಾಮ ಕೃಷ್ಣ ವಾಸುದೇವ  ಗೋಪಿಕೃಷ್ಣ ಉಡುಪಿ ಕೃಷ್ಣ ।

ದೇವಕೀ ಸಹಿತ ಕೃಷ್ಣ  ಹಸೆಗೆ ಬಂದರು

ರುಕ್ಮಿಣೀ ಸಹಿತ ಕೃಷ್ಣ ಹಸೆಗೆ  ಬಂದರು ‌।।ಪ।।

ಅರ್ಥ: ನಮ್ಮ ಪ್ರಾರ್ಥನೆಯನ್ನು ಆಲಿಸಿ ಶ್ರೀ ರಾಮ, ಕೃಷ್ಣ, ವಾಸುದೇವ, ಗೋಪಿಕೃಷ್ಣ, ಉಡುಪಿ ಕೃಷ್ಣ, ದೇವಕೀ ಸಮೇತ ಹಾಗೂ ರುಕ್ಮಿಣೀ ಸಹಿತ ಶ್ರೀಕೃಷ್ಣ ದೇವನು ಸ್ವಯಂ ಹಸೆಯ ಶುಭಪೀಠಕ್ಕೆ ಕಾಲಿಟ್ಟು ಪಾವನಗೊಳಿಸಿದನು.

***