ರಾಮ ಶ್ರೀ ರಘುನಂದನ ಶರಣು helavanakatte giriyamma rama sri raghunandana sharanu

Restart mobile & try if the above audio is not playing

Haridasi ಹೆಳವನಕಟ್ಟೆ ಗಿರಿಯಮ್ಮನವರ ಕೃತಿ

ರಾಗ :ಅಭೇರಿ     ತಾಳ : ಆದಿ

ರಾಮ ಶ್ರೀ ರಘುನಂದನ ಶರಣು ಸಾರ್ವ-

ಭೌಮ ಭೂಸುರವಂದ್ಯನು   ॥ಪ॥

ಸೋಮಶೇಖರಮಿತ್ರ ಕಾಮಿತ ಫಲದಾತ್ರ

ಕಾಮಧೇನು ವಿಶ್ವಭೀಮ ಸನ್ನುತ ಸೀತಾ ॥ಅ.ಪ॥

ಕ್ರೂರ ದಾನವ ಸಂಹಾರ ಕೌಸಲ್ಯಾಕುಮಾರ ಭೂ-

ಭಾರಹರ ಭಜಕಜನೋದ್ಧಾರ ವೇದಾಂತಸಾರ

ಚಾರುವದನ ಮಣಿಹಾರ ಕುಂಡಲಧರ

ವೀರರಾಘವ ವಿಶ್ವಾಧಾರ ಕರುಣಿಸು ಸೀತಾ ॥೧॥

ಪಾಪರಹಿತ ಪಾವನ ಚರಿತ ಅಹಲ್ಯಾ

ಶಾಪ ಹರಣ ದಿವ್ಯರೂಪ ರಮಾರಮಣ

ತಾಪ ವಿಚ್ಛೇದನ ತಾಮಸ ಗುಣಹರಣ ದ-

ಯಾಪರ ಬ್ರಹ್ಮಸ್ವರೂಪ ಮೂರುತಿ ಸೀತಾ॥೨॥

ಮದನಕೋಟಿ ಮೋಹನಾಂಗ ಮಾಧವ ಪುಣ್ಯಚರಿತ

ಕರುಣಾಪಾಂಗ ಹೆಳವನಕಟ್ಟೆ ರಂಗಯ್ಯ

ಸದಾನಂದ ಸುಮತೀಂದ್ರ ಹೃದಯ ಪಂಕಜಭೃಂಗ

ಕದನ ವಿಕ್ರಮ ಬಾಹು ಕೋದಂಡಧೃತ ಸೀತಾ॥೩॥

**

Summary (Kannada)

ಪ್ರಸಿದ್ಧ ಹರಿದಾಸರಾದ ಹೆಳವನಕಟ್ಟೆ ಗಿರಿಯಮ್ಮನವರ ಈ ಸುಂದರ ಕೃತಿಯು ಅಭೇರಿ ರಾಗ ಹಾಗೂ ಆದಿತಾಳದಲ್ಲಿ ಶ್ರೀರಾಮನನ್ನು ಕುರಿತು ರಚಿಸಲ್ಪಟ್ಟಿದೆ. "ಹೇ ರಾಮ ಶ್ರೀ ರಘುನಂದನ, ಶರಣು ಸಾರ್ವಭೌಮ, ಭೂಸುರವಂದ್ಯನೇ ನಿನಗೆ ನಮಸ್ಕಾರ" ಎಂದು ದಾಸಿಯರು ಪ್ರಾರ್ಥಿಸಿದ್ದಾರೆ. ಸೋಮಶೇಖರ ಮಿತ್ರನೇ, ಕಾಮಿತ ಫಲದಾತನೇ, ಕೌಸಲ್ಯಾ ಕುಮಾರನೇ, ಅಹಲ್ಯೆಯ ಶಾಪವನ್ನು ಹರಿಸಿದ ರಮಾರಮಣನೇ ಎಂದು ಸ್ತುತಿಸುತ್ತಾ, ಹೆಳವನಕಟ್ಟೆ ರಂಗಯ್ಯನ ಅಂಕಿತದಲ್ಲಿ ಭಕ್ತರ ಪಾಪಗಳನ್ನು ತೊಲಗಿಸಿ ಸದಾ ಕರುಣಿಸಬೇಕೆಂದು ಪ್ರಾರ್ಥಿಸಲಾಗಿದೆ.

Padyada Artha (Kannada Stanza and Meaning)

ಪಲ್ಲವಿ

ರಾಮ ಶ್ರೀ ರಘುನಂದನ ಶರಣು ಸಾರ್ವ-

ಭೌಮ ಭೂಸುರವಂದ್ಯನು ॥ಪ॥

ಅರ್ಥ: ಹೇ ರಾಮಚಂದ್ರನೇ, ಶ್ರೀ ರಘುನಂದನನೇ, ಬ್ರಾಹ್ಮಣರಿಂದ (ಭೂಸುರರಿಂದ) ವಂದಿಸಲ್ಪಡುವ ಸಾರ್ವಭೌಮನೇ, ನಿನಗೆ ನನ್ನ ಶರಣುಗಳು.

ಅನುಪಲ್ಲವಿ

ಸೋಮಶೇಖರಮಿತ್ರ ಕಾಮಿತ ಫಲದಾತ್ರ

ಕಾಮಧೇನು ವಿಶ್ವಭೀಮ ಸನ್ನುತ ಸೀತಾ ॥ಅ.ಪ॥

ರ್ಥ: ಶಿವನಿಗೆ (ಸೋಮಶೇಖರನಿಗೆ) ಮಿತ್ರನಾದವನೇ, ಭಕ್ತರು ಬಯಸಿದ ಫಲಗಳನ್ನು ನೀಡುವ ಕಾಮಧೇನುಸ್ವರೂಪನೇ, ಜಗತ್ತಿಗೆಲ್ಲಾ ಆಧಾರನಾದವನೇ ಮತ್ತು ಸೀತೆಯೊಡನೆ ಕೂಡಿರುವ ಪ್ರಭುವೇ, ನಿನಗೆ ನಮಸ್ಕಾರ.

ಚರಣ ೧

ಕ್ರೂರ ದಾನವ ಸಂಹಾರ ಕೌಸಲ್ಯಾಕುಮಾರ ಭೂ-

ಭಾರಹರ ಭಜಕಜನೋದ್ಧಾರ ವೇದಾಂತಸಾರ

ಚಾರುದನ ಮಣಿಹಾರ ಕುಂಡಲಧರ

ವೀರರಾಘವ ವಿಶ್ವಾಧಾರ ಕರುಣಿಸು ಸೀತಾ ॥೧॥

ರ್ಥ: ಕ್ರೂರ ರಾಕ್ಷಸರನ್ನು ಸಂಹರಿಸಿದವನೇ, ಕೌಸಲ್ಯಾ ದೇವಿಯ ಕುಮಾರನೇ, ಭೂಮಿಯ ಭಾರವನ್ನು ಇಳಿಸಿದವನೇ, ಭಕ್ತರನ್ನು ಉದ್ಧರಿಸುವವನೇ, ವೇದಾಂತದ ಸಾರವೇ! ಸುಂದರ ಮುಖವುಳ್ಳವನೇ, ಮಣಿಹಾರ ಹಾಗೂ ಕುಂಡಲಗಳನ್ನು ಧರಿಸಿದ ವೀರರಾಘವನೇ, ಸಮಸ್ತ ವಿಶ್ವಕ್ಕೆ ಆಧಾರನಾದವನೇ, ನಮಗೆ ಕರುಣಿಸು.

ಚರಣ ೨

ಪಾಪರಹಿತ ಪಾವನ ಚರಿತ ಅಹಲ್ಯಾ

ಶಾಪ ಹರಣ ದಿವ್ಯರೂಪ ರಮಾರಮಣ

ತಾಪ ವಿಚ್ಛೇದನ ತಾಮಸ ಗುಣಹರಣ ದ-

ಯಾಪರ ಬ್ರಹ್ಮಸ್ವರೂಪ ಮೂರುತಿ ಸೀತಾ ॥೨॥

ರ್ಥ: ಸಕಲ ಪಾಪಗಳಿಂದ ದೂರ1ಪವಿತ್ರ ಚರಿತ್ರೆಯುಳ್ಳವನೇ, ಅಹಲ್ಯೆಯ ಶಾಪವನ್ನು ಬಿಡಿಸಿ ದಿವ್ಯರೂಪವನ್ನು ನೀಡಿದ ರಮಾರಮಣನೇ! ಭಕ್ತರ ತಾಪಗಳನ್ನು ಹೋಗಲಾಡಿಸುವವನೇ, ತಾಮಸ ಗುಣಗಳನ್ನು ಹರಿಸುವ ದಯಾಸಾಗರನೇ, ಪರಬ್ರಹ್ಮ ಸ್ವರೂಪನೇ!

ಚರಣ ೩

ಮದನಕೋಟಿ ಮೋಹನಾಂಗ ಮಾಧವ ಪುಣ್ಯಚರಿತ

ಕರುಣಾಪಾಂಗ ಹೆಳವನಕಟ್ಟೆ ರಂಗಯ್ಯ

ಸದಾನಂದ ಸುಮತೀಂದ್ರ ಹೃದಯ ಪಂಕಜಭೃಂಗ

ಕದನ ವಿಕ್ರಮ ಬಾಹು ಕೋದಂಡಧೃತ ಸೀತಾ ॥೩॥

ರ್ಥ: ಕೋಟಿ ಮನ್ಮಥರಂತೆ ಮೋಹಕವಾದ ಅಂಗಗಳುಳ್ಳವನೇ, ಮಾಧವನೇ, ಪುಣ್ಯಚರಿತನೇ, ಕರುಣಾಕಟಾಕ್ಷವುಳ್ಳ ಹೆಳವನಕಟ್ಟೆ ರಂಗಯ್ಯನೇ! ಸದಾ ಆನಂದಮಯನೇ, ಸಜ್ಜನರ ಹೃದಯ ಕಮಲದಲ್ಲಿ ವಾಸಿಸುವ ಭೃಂಗವೇ, ಯುದ್ಧದಲ್ಲಿ ಪರಾಕ್ರಮಿಯಾದ ಕೋದಂಡಧಾರಿಯೇ, ನಮ್ಮನ್ನು ಕಾಯು.

***