ನಂಬು ನಾರಾಯಣನ ನಂಬು ನರಹರಿಯ kanaka dasaru nambu narayanana nambu narahariya

 

Restart mobile & try if the above audio is not playing

ಶ್ರೀಕನಕದಾಸರ ಕೃತಿ

ರಾಗ : ಮಲಯಮಾರುತ    ಆದಿತಾಳ

ನಂಬು ನಾರಾಯಣನ ನಂಬು ನರಹರಿಯ 

ನಂಬಿದಾ ಭಕ್ತರ ಕುಟುಂಬ ಸಾರಥಿಯ   ॥ಪ॥

ಬಲಿ ನಂಬಿ ಪಾತಾಳಲೋಕಕರಸಾದ

ಅದೆಕುಲದ ಪ್ರಹ್ಲಾದನು ನಿಜವ ಕಂಡ 

ಕಲಿ ವಿಭೀಷಣ ನಂಬಿ ಲಂಕೆಯಲಿ ಸ್ಥಿರವಾದ

ಛಲದ ಪಾರ್ಥನು ನಂಬಿ ವಿಶ್ವರೂಪವ ಕಂಡ||1||

ಅಂಬರೀಷನು ನಂಬಿ ವೈಕುಂಠವೇರಿದನು|

ಹಂಬಲಿಸಿ ಶಶಿಧರನು ಉರಿಯ ಗೆದ್ದ||

ಕುಂಭಿನೀದೇವಿ ತಾ ಬಂಧನವ ಕಳೆದಳು||

ಅಂಬುಜಾಕ್ಷಿ ದ್ರೌಪದಿಯು ಮಾನ ಉಳುಹಿಕೊಂಡಳು|| 2||

ಅತಿ ಭಕುತರಿಗೆ ಮೆಚ್ಚಿ ಗತಿಮೋಕ್ಷವನಿತ್ತನು|

ಮತಿಭ್ರಷ್ಟ ಅಜಮಿಳನ ಉದ್ಧರಿಸಿದನು|| 

ಕ್ಷಿತಿಯೊಳಗೆ ಕಾಗಿನೆಲೆ ಆದಿಕೇಶವರಾಯ|

ಪತಿತ ಪಾವನ ಪರಮಪುರುಷೋತ್ತಮನನು||3|| 

**